林秀怡做單親媽媽　演技大爆發獲網民激讚

由馬德鐘及張曦雯等主演的無綫熱播劇《再見‧枕邊人》，劇情直轉高潮。昨晚（20日）交代陳穎朗扮演的角色，因患上XLH罕見病住院，一年醫藥費接近200萬元，背負巨額醫藥費的「單親媽媽」林秀怡欲找其生父索取金錢，卻遭「最強心機女公關」張曦雯阻止！眼見兒子病情愈來愈嚴重，秀怡迫於無奈向鄰居羅天宇透露囝囝生父為財閥「大凌生」張國強，為此張曦雯指控秀怡違反保密協議，羅天宇決心幫手討回公道。

秀怡今次演技大爆發，在多場戲內將母愛擔憂的情感，演繹得入心入肺，獲網民大讚她演技躍進不少。她表示：「其實我喺2021年《欺詐劇團》內都扮演過單親媽媽，但今次呢個媽媽，比較深藏不露，性格都好唔同，一個係好藝術家嘅，一個就為生活咩都要做。今次我做拍攝準備時，俾呢個角色一個故事，等自己對人物設定再清晰啲。」她續指由於劇本對白寫得感人，讓自己容易入戲，甚至喊到收唔到聲：「排戲時讀到啲對白已經想喊，有一場生離死別嘅戲，我喊到收唔到聲，轉機位嗰陣都仲喊緊！」