李多慧舊隊友「胸」襲台灣　伸脷靚樣冧到暈

隨着台灣職棒新一季比賽開始在即，中信兄弟啦啦隊（Passion Sisters）亦於日前公布2024年新成員名單，除咗6位練習生轉為正式成員外，更有2位韓籍成員強勢加盟，分別係「韓國甜心」邊荷律及「超級隊長」李丹妃，其中身為李多慧舊隊友嘅邊荷律，喺韓國嘅人氣更媲美李多慧，曾經試過剩係憑一條伸脷片，就獲得2億流量，人氣驚人。

喺確定加盟Passion Sisters後，邊荷律就曾喺社交網發文道： 「大家好我是邊荷律，很高興加入Passion Sisters，2024年的棒球賽季，我將與中信兄弟一起攜手同行，從去年開始，大家給我的支持與關心，促使了我能來到台灣，讓我倍感榮幸。請大家多多指教，期待相見喔！」貼文一出瞬間掀起熱議。