盛勁為晒準老公視角　麥明詩婚禮最後衝刺有乜Do？

「十優港姐」麥明詩（Louisa）同機師男友盛勁為（Keith）嘅婚禮進入最後大直路，為迎接分3日大搞嘅婚禮，分別喺圍村、吉列島遊艇會、五星酒店進行，二人已經忙住四出派喜餅之餘，都要留啲時間「裝身」。盛勁為尋晚（21日）就搶先冧晒「準老公視角」照，只見做緊美甲嘅麥明詩為節省時間，手腳分別由兩位美甲師服侍，同時枱上又埋住一部手機，另一隻手就忙於用手提電腦打字，事業型女強人Mode出晒嚟，Multitasking完全難唔到佢。

未知紮起凌亂髮髻嘅麥明詩係咪素顏執靚啲，盛勁為就特別以面膜filter為未婚妻遮面，細心又體貼，唔怪得連麥明詩都被佢打動，反客為主主動求婚捉緊愛人。