星玄｜天秤女江嘉敏積極減肥　晒長腿事業線獲讚仙女下凡

今日係3月23日，幸運星係天秤座，意中人出現，放膽表白，有望迎來好姻緣。江嘉敏就係天秤座，佢近期忙於拍攝無綫新劇《武林》，為拍劇亦積極減肥，早排仲上載多張工作美照，佢極罕着性感貼身白色禮服，大騷好身材及胸前深長事業線，難怪網民紛紛留言：「仙女下凡。」

另外，江嘉敏話舊年持續結識唔同嘅朋友，但可惜緣分未到，暫時未遇到一個合適嘅人，而且好多朋友都好熱心，介紹唔同嘅男仔畀佢識，有各樣條件都好好嘅，只不過真係要揀啱嘅，今日姻緣到，唔好收埋收理，要放膽表白呀。

今日亦係農曆二月十四，宜大事勿用，是日最旺生肖係虎，桃花旺，戀情開始萌芽，要好好把握。《中年好聲音》冠軍得主周吉佩（吉吉）就係屬虎，佢同太太育有一仔一女，前排吉吉就分享愛女包包嘅學業成績，就讀3年級嘅包包，連奪3個進步獎，兩父女仲拎住獎狀合照，吉吉仲好識做，唔敢一個人領功，留言話個獎有一半係太太背後發功，你咁錫個女同老婆，桃花最旺仲唔係你。