陳法拉產後首亮相狀態大勇　爆囝囝生得似自己餅印一樣

藝人陳法拉近日無預警下宣布秘密產子，但由於新片《哥斯拉x金剛：新帝國》上映在即，正「坐月」的她即復工參與宣傳工作，期間她更越洋接受無綫娛樂主播王鎮泉訪問。產後首次「亮相」的她精神狀態不錯，面色紅潤兼已瘦身成功。

談到低調產子，法拉透露其實是計劃之內，又自嘲「年紀大，生到一對仔女都唔錯」。至於細仔暱稱「米奇」是根據大女「米妮」而改，問到囝囝長相，法拉表示：「佢生得比較似我，家姐出世嘅時候就白淨啲，似外國人。家姐知道細佬要出世，緊張到連續幾晚失眠，又話要買禮物，結果佢買咗束花送嚟醫院。」

王鎮泉亦透露與法拉的訪問約個幾多月先成事：「約嗰陣都未知道佢有咗，直至訪問前兩日先聽到佢公布喜訊。」