李多慧「空降」小龍女做隊長　「原隊長」首度回應

韓國啦啦隊女神李多慧，樣靚身材正嘅佢喺台灣短短1年，就圈粉無數外，早前更喺社交網高調宣布加盟「小龍女」兼升呢做隊長，認真犀利。雖然李多慧升呢做隊長，引嚟唔少網友留言支持，但早喺月初（8日）嘅喺開季前記者會上，味全龍就宣布由成員小映擔任新一屆隊長，如今「雙隊長」一事亦引嚟「原隊長」小映首度回應，不過短短一句「我不知道～」似乎相當錯愕同不滿。

對此，味全龍領隊亦回應隊長一職仍然係小映，至於李多慧嘅「Captain Lee」職銜，則同小映嘅負責內容不同，並透露之後可以期待令人耳目一新嘅演出。事實上，接任小龍女隊長一職嘅小映，受訪時曾透露自己係無預警被委任接班做「隊長」，壓力亦相當大：「琪琪（前隊長）是一個很好的榜樣，會學習她的長處，帶着大家一起前進。」