楊丞琳晒練舞相騷螞蟻腰　高調宣布巡唱佛山站重啟

台灣天后楊丞琳早前喺內地舉行巡唱，未料因失言引起掀然大波，雖然楊丞琳一而再、再而三講錯嘢，但高企人氣絲毫未受到影響嘅佢，今年3月亦繼續舉行巡唱，日前亦喺社交網晒出多張「黑白」綵排練舞相，預告佛山巡唱正式重啟。

去年開始喺內地舉行巡迴演唱會嘅楊丞琳，雖然人氣高踞不下，但因喺河南站嘅「河南人愛騙人」失言風波，惹起當地人嘅不滿，眼看事件愈演愈烈嘅楊丞琳，亦即刻喺社交網公開道歉。而喺日前（22日），沉寂咗一段時間嘅楊丞琳終於喺社交網發文道：「休息了55天，甚是想念。好期待見到大家，好想大肆唱歌、大肆跳舞喔～明天LIKE A STAR重啟後第17站 - 佛山，我來啦，喔耶！」