劉亦菲自稱全家最醜　素顏同框仙氣表姐絕密曝光

內地頂流女星劉亦菲，出名由細靚到大嘅佢，更因出眾嘅空靈氣質獲封為「神仙姐姐」外，同時更係收視保證。而不時透過社交網同粉絲分享生活點滴嘅佢，日前亦晒出同表姊嘅貼臉合照道：「愛你呦！」而素顏上鏡嘅劉亦菲，亦憑白滑美肌及凍齡靚樣，驚艷唔少粉絲。

而隨着劉亦菲晒出同表姐嘅合照，亦引嚟唔少網友諗起以前劉亦菲曾講過，自己係全屋最醜嗰個，紛紛表示劉亦菲太謙虛：「美女的旁邊也是美女」、「一家子好基因」、「羨慕了，劉亦菲真的就是一直白裏透紅！」；另外，亦有網友搵到劉亦菲曾喺受訪時，提及畀表姊鬧「花癡」及送熊公仔一事，紛紛推測就係呢位表姊，加上2人嘅貼臉合照，似乎呢對表姊妹關係相當融洽。