魏浚笙自認「乒乓波」　唔敢同「大表波」Stanley比較

歌手魏浚笙（Jeffrey）出席音樂頒獎禮記者會，問他對奪得「年度新人」可有信心？Jeffrey表示隨心，並希望新一年多創作不同歌曲。提到MIRROR成員Stanley睇好自己？Jeffrey表示：「我都睇好佢，好正喎，佢上次個演唱會有少少誇張，真係震撼到我眼球，我都『嘩』咗幾十聲，佢個巨胸真係幾巨。」

被問到自己有沒有「大表波」？Jeffrey笑稱：「我冇，我係小波，贏唔到，我只係乒乓波咋，不過我都要操，只要有恒心鐵杵磨成針，因為胸肌對唱歌都有幫助。」不過Jeffrey強調騷胸肌不是要撼Stanley，他稱：「想操番身體健康好啲，又想瘦少少，平時好大嚿，想個身薄少少，着背心仔都型啲，睇番上年鬆泡泡成個『米芝蓮』咁。」