阮嘉敏被真槍聲嚇倒　鍊實張頴康大髀

藝人張頴康與阮嘉敏今日（25日）現身西貢，化身「賊公賊婆」與執法人員一起為節目進行拍攝，化上紋身妝的張頴康坦言今次拍攝感受不同，雖然不慎擦傷面，但當中學到很多能應用於平日拍攝動作場面的技巧，他説：「好唔同，佢哋真係好好力，同埋學到點樣去制服人，平時我哋拍戲唔識，撳咗個犯喺地下會夾硬屈佢隻手，但其實只要拍一拍膊頭，佢就自然會遞隻手上嚟。」

張頴康又大爆拍檔阮嘉敏被槍聲嚇至驚惶失措：「佢應該第一次聽真槍聲，大家坐喺度等埋位，佢突然間好驚咁捉實我大髀係咁鍊，其實只不過係兩下槍聲，完咗仲鍊住。」嘉敏指雖然知道會有開真槍場面，但因太突然故被嚇倒，她笑言今次拍攝未有受傷，因所有辛苦動作全交給拍檔，自己則負責大叫。