高海寧事業爆紅愛情冇着落　無奈高呼：冇得強求！

無綫花旦高海寧憑劇集《新聞女王》令事業再創巔峰，並以大熱之姿勇奪《萬千星輝頒獎典禮2023》嘅「最佳女配角」外，成功喺內地打開知名度嘅佢，一舉一動更係備受矚目。而隨着高海寧喺內地戲劇、廣告及代言接不停，日前接受訪問嘅佢亦坦言心態有所轉變，表示自己從原本佛系變成充滿事業心嘅女強人，並為咁樣嘅自己感到開心及充滿成就感之餘，仲強調自己唔係靠「手腕」上位，全靠努力先有今日嘅日成就。

雖然高海寧事業有成，但感情方面仍係空窗期嘅佢，亦分享道愛情係難以控制及冇得強求，所以目前最主要係做好自己，等到愛情來臨嘅時候自然就會有，並表明仍然相信愛情。