司徒鈺芸患妊娠高血壓　BB或要提早出世

武打女星司徒鈺芸（JuJu）早前成功懷孕，下月底預產期的她近日在酒店舉行Baby Shower跟好友慶祝，當日出席好友包括貝安琪、張佳添、石祐珊及雷怡暉等。酒店房以飛船歷險為主題，由於JuJu懷B女，故此酒店廚師為她精心設計了一系列以粉紅色為主的甜品，加上粉紅色氣球，洋溢夢幻少女味。

JuJu透露BB有機會提早出世，她解釋：「因為我有妊娠高血壓同糖尿，所以要觀察住，雖然我有做運動，有游水同健身，但都避免唔到懷孕期間有妊娠高血壓同糖尿病，醫生話冇得控制，就算運動員都有機會會有，但分娩之後指數就會回復正常。」JuJu坦言由於BB可能要早產，故暫未知能否自然分娩，但她揚言就算催生也希望可以自然分娩，希望一切順利。她對BB出世大感期待，並已為迎接小生命作好準備：「BB嘢已經準備得七七八八，BB房搵咗個畫家朋友畫咗幅南非森林嘅壁畫，BB名就未改實，我哋已經揀咗一堆名，因為想見到佢個樣，再揀個適合佢嘅名。」