李元元慶祝6歲生日　細妹Sucy對蛋糕虎視眈眈

藝人李璨琛的大女李元元（Lucy）前日（25日）迎來6歲生日，Lucy爸媽喺屋企為佢搞生日會慶祝，昨日Lucy媽喺社交網分享當日靚相及短片，只見Lucy同靚靚蛋糕影相，擺出可愛甫士，更單眼對鏡頭放電，得意到暈！

Lucy媽又喺貼文寫道：「元誕大快樂，踏正3月25號嘅12點已經好多人Send Message同Lulu講生日快樂，冇逐一回覆，因為實在太多啦，但係你哋嘅心意我哋全部都收到!謝謝你們沿路上嘅愛，就快浸親，不過唔緊要呀！你哋可以繼續直至淹沒我們吧」。之後Lucy媽仲笑指細妹Sucy由蛋糕出現就想攻擊個蛋糕，相中見佢眼仔睩睩，對蛋糕虎視眈眈，想要伸手去掂蛋糕。