《12怪盜》首映齊章現身　MIRROR全黑登場型到裂

人氣男團MIRROR首次全合體主演電影《12怪盜》今晚（27日）將於太古城舉行記者會首映禮，12子將悉數現身。而電影公司早於去年底已舉行粉絲試映會，當時已一票難求！

12子合體，一班鏡粉聞得喜訊，早已作出部署計劃。據悉，部分鐵粉早於掃日前已於商場「露宿」，望霸頭位等睇偶像，至今日中午時分更見群情洶湧，已有粉絲於商場門外路邊苦候，商場幾層樓都已經逼滿鏡粉。由於現場有保安維持秩序，情況大致良好，但為免引起混亂，商場已經封咗好多扶手電梯。

而商場內一眾鏡粉已將支持偶像橫額掛滿當眼處，附近更擺滿不少私家鐵梯，相信是準備待會首映舉行時，能站高拍攝偶像風采之用！而等候期間眾粉絲「各出奇謀」打發時間，有人在玩電腦及手機、有人在食午飯、更有人在聊天，場面未見混亂。

直到傍晚，MIRROR粉絲開始叫囂撐偶像，現場所見姜糖聲勢最強，已着晒燈牌，現場一片燈海。到直晚上約7時，MIRROR 12子登場，全團黑色打扮，好識做向兩旁揮手，粉絲叫囂聲更激烈。