尹詩沛慘遭家暴頭髮都有戲　周志康演活「控制狂兼躁狂老公」

藝人尹詩沛（Nicole）過往角色偏向個性豪邁兼聲大夾惡，受訪時直言甚少遇上好似無綫新劇《再見‧枕邊人》溫婉的角色，因此拍攝時要不停提醒自己行為舉止也要斯文，形容角色是演藝生涯上一個突破：「形象冇以前咁潑辣、咁惡，同埋晨曦係一個完全被愛情沖昏頭腦嘅人，對住老公（周志康飾）又好懦弱、好怕佢。但對於好朋友，晨曦會願意出頭。」

她又笑言終於遇到周志康這個年齡相若的老公：「以前拍開冇大廿年，都一個double！試過演鍾志光情婦，同袁文傑、曹永廉、杜大偉都做過兩公婆，不過唔會有代溝，佢哋全部都心境年輕。」周志康（Daniel）對於飾演「控制狂老公」一角，表示與自己現實中完全相反：「呢個角色會控制住太太，係因為太愛佢，好怕失去，覺得只要控制住對方、令到對方驚，自己就可以一直困住佢。」