鏡粉好瘋狂！黑絲沈殷怡望人氣升遇狂迷？

藝人孫慧雪今晚（27日）出席《12怪盜》首映。她透露與老公及大仔到場：「佢哋行開咗，囝囝話點都要睇。（佢係鏡粉？）佢見到好多人嗌啲哥哥（MIRROR），心情好興奮，不過佢聽朝要返學，我都有啲擔心！」

談到即將到來的復活節，阿雪表示會舉家到京都影全家福：「我哋去9日，老公會全程負責揸車。（帶埋細仔去，挑戰人體極限？）係，同埋唔係第一次，上個月我哋仲去咗新加坡，大仔見到我哋全程抱實細佬，都開始有啲呷醋，所以我都有抱佢，練到手瓜起𦟌。」

至於沈殷怡則為首映禮擔任司儀，穿上黑絲的她十分搶Fo。談到最近工作，她笑說：「我啱啱拍完一個關於腦霧嘅遊戲節目，證明咗我記憶力唔錯，可能係因為以前讀文科嘅關係。（咁啲嘉賓成績點？）我發現做得呢行嘅，原來大家都愈夜愈精神，我哋呢個節目通宵錄製，大家嘅表現都唔錯。」

談到今晚MIRROR粉絲表現相當熱情，她說：「其實我都做過好多關於MIRROR嘅活動，所以都習慣晒，不過佢哋啲粉絲真係好窩心。（有冇遇過啲好瘋狂嘅粉絲？）我會繼續努力，希望遲啲有機會同你哋分享啦。」