元彪憶22歲做新人見鄭少秋腳震　唔排除復出拍戲

藝人元彪、錢嘉樂和龐景峰等人今晚（26日）出席電影《新蜀山劍俠》4K數碼修復版首映。作為該電影主演之一的元彪憶起當年他拍攝這部電影時非常年輕，僅約22、23歲，剛簽約嘉禾公司做演員，更得公司栽培拍戲，剛入行就與大明星鄭少秋、林青霞和劉松仁合作，只有孟海、李賽鳳和他自己是新人，稱當時剛入片場見到大明星都忍不住腳震，又指當初拍這部戲的都是大明星，工作繁忙，所以將很多戲份都讓給當時作為新人的元彪：「我嗰時喺廿四小時待命。」又言這部電影用了一年時間拍攝，笑言當時老闆見到他們燒錢拍攝都大感頭痛。

元彪又謂拍戲相當辛苦，又指自己當時拍了很多日本電影，並與當時的日本巨星勝新太郎合作過：「冇咩演員可以同到咁多大明星合作，嗰時公司捧我，所以畀咗好多機會我。」問到會否想復出拍戲？元彪說：「只要啱嘅，朋友欣賞嘅，我都可以接受。」又謂電影沒有好壞之分，透露現在主要在廣州公司做幕後工作，又指自己從來不喜歡出鏡：「我做完嘢就返屋企，唔做宣傳，亦都唔需要鋪張自己有幾叻，你有幾叻擺喺個電影度，人哋會睇到。」