馬浚偉指定啤梨負責　經驗十足孖范振鋒成立義工隊

藝人范振鋒、葉文輝（啤梨）身體力行為慈善出力，加入正式成立「新城義工隊」，每月將均參與不同社福機構舉行的關愛活動。日前義工隊第一擊就是走訪位於彩虹的長者鄰舍中心，跟院舍內的「老友記」唱歌及玩遊戲，開開心心過一天。

電台藝人經理人及項目總監范振鋒偕創作總監及節目主持啤梨帶領多達20位義工及DJ們行善，范振鋒接受訪問時表示：「嗰度啲哥哥、姐姐（指長者）都好精靈嘅，同佢哋玩遊戲時，我就同佢哋講笑話不如大家一齊啜紫菜、啜乒乓波好唔好，但其實只係玩咗估歌仔，因為大家玩得投入，所以冇跟規矩，得啖笑啫。」除玩遊戲外，他大唱徐小鳳的《風的季節》及李克勤的《舊歡如夢》，只是尹光的《荷里活大酒店》就不敢唱。

而啤梨則表示義工隊是電台首席營運總監馬浚偉指定要他負責，皆因知他對組義工隊有豐富經驗，他說：「我喺2006年已開始成立『啤梨義工圑』，覺得做呢件事好開心，因未試過同同事一齊做義工，我哋又準備咗啲禮物送畀長者，見佢哋咁開心，同事又開心，呢個時代有快樂係好重要，睇到我好窩心。」