楊茜堯羅子溢街頭咀嘴　兩公婆拍拖嗌開心

視后楊茜堯剛為無綫劇集《黑色月光》拍攝完畢，日前她與老公羅子溢齊齊以夫妻檔到澳門為節目拍攝，更於街頭被網民野生捕獲。拍攝時羅子溢除了向她送上鮮花外，二人更公然手拖手、深情「咀嘴」，甚有熱戀feel，羨煞旁人。楊茜堯接受東網獨家訪問時坦言:「好開心，我都好耐冇同老公拍嘢呀！今次節目都係講兩公婆的相處點滴，都幾開心嘅，因為我哋都未試過去澳門拍拖，咁我啱啱又完咗套劇，咪當兩公婆拍吓拖！」　

之前為期接近4個月的艱辛拍劇日子終於捱過，她與劇中拍檔林夏薇及王浩信齊齊接受《東張西望》訪問時坦言拍攝期間女兒經常都表示不想她返工，主持說到老公羅子溢表示很掛住她，經常見她拍至凌晨3、4點才收工很心痛時，楊茜堯即笑言:「佢對住鏡頭梗係咁講啦！」