「雷神」孖住好友麥迪文紋身為乜緊張到拖晒手？

荷里活兩位男星「雷神」基斯漢斯禾夫（Chris Hemsworth）與麥迪文（Matt Damon）因合作兩集《雷神奇俠》（Thor）而成為老死。2人經常出雙入對，而最近他們與另一半相約去紋身，結果麥迪文緊張到要拖實好友隻手。

事後女紋身師Trudy Lines公開兩位大明星紋身時的照片及影片，其中最搞笑就是麥迪文紋身時緊張到拖實基斯隻手，而基斯亦將另一隻手放在他的頭「定驚」，兩位夫人Luciana Damon和Elsa Pataky就在旁觀「食花生」，唔知還以為麥迪文生緊仔！