許恩怡法國出Trip勁興奮　買手信冧媽媽柏安妮

現年20歲的藝人許恩怡（Natalie）青春無敵，在母親柏安妮「加持」下，出道不足兩年已獲得不少演出機會，先後夥拍張家輝、郭富城及陳卓賢等人氣男星拍戲。近日她獲品牌邀請，飛抵法國南部出席美容活動，短短4天行程令她樂而忘返！

Natalie受訪笑說：「雖然時間匆忙，但我食咗好多好嘢，嗰度嘅水產尤其新鮮，同埋做咗個好高質嘅Facial，真係一試難忘。咁我都有參觀藝術博物館，仲買咗啲明信片番嚟送俾媽咪做手信！（冇Shopping？）冇喎，我反而仲開心，因為慳番好多錢，哈哈！」

返港後她已投入新劇拍攝，而其有份參演的電影《贖夢》成功進軍烏甸尼國際電影節，她表現興奮説：「咁大個女都未有機會參加過呢種盛事，當然好想去見識一吓。我暫時未收到消息，如果獲邀嘅話，自掏腰包買機票都冇問題。」