歐陽妮妮孖娜娜上節目真情剖白　爆喊道歉：對不起

台灣女星歐陽娜娜，多才多藝嘅佢，加上父母都係明星出身，可以話係成屋都係明星，而日前同家姐妮妮及媽咪傅娟，出席真人騷嘅佢哋，唔止大談兒時回憶，其中妮妮更分享道喺自己眼中嘅娜娜，唔止跑步叻，就連游水都同樣犀利，動靜皆宜嘅妮妮猶如「完美女神」，並難過道：「我小時候對於這個地球最大的疑問就是『為甚麼我姊姊不愛我』。」

對此，媽咪傅娟則解釋道：「不是她不愛你」並強調當時妮妮有自己嘅同齡玩伴，會忽略細4歲嘅妹妹，其實都好正常，而娜娜亦理解道：「就像有一段時間，我也不跟娣娣玩」外，妮妮更分享道有次同朋友玩催眠時，被問道：「你回到你小時候舊家，你看到了甚麼？」令妮妮忍唔住當場哽咽向娜娜道歉道：「對不起以前對你這麼兇」娜娜則攬住佢道：「沒關係，我愛你」最後3母女仲全部喊晒出嚟，認真溫馨又感人。