胡曦文造型突破　多得張寶兒

有鐘錶界美女之稱的胡曦文（Christy）最近收身成功，以性感形象拍攝造型照，原來她獲營養師建議增加澱粉質以針對腹部脂肪，結果短短兩星期已瘦了8磅，她說：「人人體質唔同，原來我要攝取澱粉質先可以推走肚腩脂肪，每日保持三餐均衡飲食就OK。」

由於她對今次收身效果非常滿意，就聽從團隊意見，在形象上作較大膽嘗試，事後不少朋友都稱讚她的轉變，紛紛請教減肥心得，她開心地說：「其實今次個造型咁成功，真係要多謝張寶兒，佢畀咗好多意見，又去埋現場幫手，因為我同佢都鍾意靚嘢，對設計又有興趣，所以好啱傾。」