單身貴族麥美恩有救　王賢誌教路蒲吧識男仔

由麥美恩（Mayanne）與曾展望（GM）擔任主持的無綫清談節目《Mayanne小喇叭》，今晚（29日）一集以「出櫃後的仔仔們」為主題，邀來王賢誌（Vinci）和真人騷《仔仔一堂》的Carson、Howard以及Juzco擔任嘉賓，大爆Gay界秘聞。期間Mayanne上演驗胸大會，摸住Juzco脹卜卜的胸肌說：「係大嘅，大過我囉！」場面搞笑。

另外，GM講到有仔仔朋友曾經成功幫他追女仔，Juzco聞言即自豪謂：「我有幫過女仔朋友追仔，之後仲結埋婚！」身為單身貴族的Mayanne即時流口水向他請教，並拋出例牌問題：「咁我爭啲咩？」Juzco聞言靜止了數秒後笑言：「差咁一個會欣賞粗魯女仔嘅男仔！」Mayanne表現冇癮，之後Vinci提議帶Mayanne蒲Gay吧：「嗰度有機會識到直男，試過有女仔朋友搵到真愛！」