阮經天晒愛貓相報平安　首回應病母近況

台灣金馬影帝阮經天，近期憑電影《周處除三害》再創事業巔峰嘅佢，引嚟唔少廣告代言搵佢合作，不過阮經天推Job舉動令佢外界不解，不過隨着阮經天解釋因為媽咪病咗，想留更多時間照顧及陪伴媽咪後，孝心表現亦令外界相當感動。而向來生活低調嘅佢，亦難得透過社交網同粉絲分享生活近況道：「everything is fine.」

而據台媒報道，原本由爺爺、嫲嫲一手湊大嘅阮經天，直到小學先由媽咪開手搖店養大佢同細佬，而媽咪亦因此導致手指發黑嘅職業傷害，而最近因為媽咪住院關係，阮經天亦親力親為照顧媽咪，日前更晒出屋企貓咪相，向廣大粉絲報平安。