趙露思追星真面目曝光　擘大口驚訝樣震懾林俊傑

成功躋身一線之位嘅內地花旦趙露思，依家去到邊都成焦點，尋晚（30日）佢就同閨蜜隱身新加坡歌王林俊傑嘅福州演唱會台下，趙露思雖然本身想靜靜雞到場追星，不過其實佢一早都被坐附近嘅歌迷認出，驚呼聲不斷。

點知睇到一半，有工作人員傳達畀林俊傑知呢個消息，他就台上介紹指「有個很厲害的演員」嚟在現場，然後嗌出趙露思個名，同時大螢幕鏡頭就立即切換到趙露思靚樣，只見佢嚇到擘大口滿是驚訝，回過神之後先識微笑、伸脷、扶額，仲同大家揮手打招呼，小表情多多。不過就係呢一幕，佢嬌羞揮手同驚訝樣，就成功令「#趙露思大屏」話題登上熱搜，風頭蓋過主人家林俊傑。

而今日（31日）林俊傑亦於社交網發文感謝趙露思到場支持，並貼出二人合照，隨後趙露思也在留言區回覆：「謝謝哥的邀請！最治愈的演出。」二人互動相當親密。