無綫強姦戲大盤點！劉穎鏇「二度性侵」挑戰尺度

無綫懸疑劇《再見‧枕邊人》啱啱大結局，主角黃智雯、馬德鐘有幾好戲就唔使講，不過結局篇先登場嘅尹詩沛就令大家眼前一亮！平時做開潑辣角色嘅佢，今次被愛情沖昏頭腦仲被劇中老公家暴，網民大讚佢連頭髮都有戲個樣勁慘睇到心都悒！無綫一向擅長用悲情戲帶動觀眾情緒，其中強姦戲份使用率極高，即去片睇5大矚目強姦戲！

《名門暗戰》係前港姐冠軍陳凱琳（Grace）嘅處女劇，點估到佢一上場就搏到盡拍強姦戲份！Grace被落藥除衫逃跑完又被拖返入屋打，一路掙扎爆喊成功令觀眾留下印象！之後佢喺《張保仔》同《巨輪II》，一樣有險遭被姦戲份，過程非常陰功！Grace 3年有5套劇推出，其中3套都險被姦，唔話係宿命都唔得啦，難怪當年被封「一代姦角」。

同樣港姐出身嘅劉穎鏇（Tiffany）近年打女形象深入民心，但其實佢都飾演過慘情角色，喺《踩過界II》先被黃子雄落藥迷姦再被阮政峰二度性侵，挑戰電視尺度！見Tiffany被扯開上衫又無力逃跑，最後自己淋住雨走人楚楚可憐，睇見都虐心。