疑受AK影響連開夜班　鄧麗欣捱通宵零走樣

集兩大女神鄧麗欣（Stephy）、周秀娜（Chrissie）最近正忙於為新片《大分瓶》（暫名）開工，未知是否因主角AK要隨所屬組合MIRROR到美國開巡唱，令劇組近日要開3個大夜班，一向捱通宵都是「美容大忌」，仲要短時間內開3晚，諗起都怕怕！但難得兩位靚女，天生麗質，完全「零殘樣」，仲「夠薑」在網上甫相，Chrissie雖然化妝中兼是黑白相，但都依然見到她一雙「水汪汪」的靚眼睛，至於Stephy仲犀利，開完第2個深夜班，直頭甫床上靚相，完全不覺得捱過夜之餘，她還指因飲了少少咖啡，收工好精神，完全冇睡意，電力充沛，連好友張繼聰都忍不住笑她，在該Post留言：「去跑10K之後會好好瞓。」着她做運動「放電」！

而昨日（2日）捱完第3晚夜班，早上收工，Stephy終於肯乖乖休息，但臨瞓前都堅持敷番個面膜先瞓，相當貪靚。