柯震東箍頸女粉絲密照瘋傳　尺度過大掀爭議

台灣型男柯震東，外貌帥氣嘅佢係唔少少女心目中嘅男神，加上不時透過社交網同網友互動嘅親民個性，人氣更係高踞不下。而近日，喺台灣社交網突然掀起同柯震東「鎖喉」合照嘅潮流，隨着唔少女粉絲晒出同柯震東嘅「親密合照」，引嚟網友亦好奇問道：「男生接受女友跟柯震東鎖喉合照嗎？」引嚟唔少網友留言道：「別擔心，柯震東看不上你女友」、「我男友說可以，他遇到女神被勾手我也ok」、「無所謂吧，跟偶像吃醋也是挺無聊」不過亦有少數網友唔同意道：「當然不可能呀，直接分手！」

此外，亦有女網友留言解釋，每次柯震東合照前都會細心問對方有冇男朋友，如果對方唔係單身，就會正常合照零肢體接觸，確保自己唔會被人告性騷擾嘅前提下，先會咁樣合照，而柯震東本人亦喺社交網晒出同藝人春風、庹宗康嘅鎖喉合照，並分享道：「我要求勒完！這應該是我最後一篇發文了。」