台灣地震︱邵雨薇「最愛」嚇到失禁　緊急相擁匿枱底避難

日前（3日）台灣花蓮發生大地震，唔少藝人都紛紛透過社交網報平安，而住喺6樓嘅邵雨薇亦分享道當下自己畀地震搖醒，屋企嘅飾品亦全部跌晒落地下，一早起身就要掃玻璃碎，至於男友吳慷仁則因為出Tirp逃過一劫，不過地震後都有打電話互報平安。

邵雨薇透露被地震搖醒後，第一件事就係去睇屋企兩隻貓咪嘅安全，未料正當自己安撫緊貓咪時又有餘震，嚇到佢攬住兩隻貓咪匿埋喺枱底，其中一隻貓咪更係逃跑期間驚到邊跑邊失禁外，邵雨薇亦分享道1999年嘅921地震，當時年僅10歲嘅佢，係被爸爸從睡夢中搖醒，再公主抱跑落1樓逃難，後知後覺嘅佢仲傻傻問：「我怎麼在1樓？」忍唔住自嘲道：「我小時候可能太愛睡覺了，可能沒有辦法這麼輕易就醒過來。」