高海寧唔夠休息　頸上生「兩粒嘢」及大硬塊急求救

無綫花旦高海寧（高Ling）最近忙於拍攝內地真人騷《無限超越班2》，忙到冇停手嘅佢，雖然內地人氣日漸高企，但係反而佢就變相冇咩時間休息，前日（2日）佢就上載多張自己攰爆周圍瞓嘅相，當中仲見到佢依偎喺餅印媽咪膊頭上瞓着咗，令到粉絲心疼女神。

不過唔夠休息真係會出事，尋日（3日）佢就上載一張後頸相，留言指自己無啦啦生咗兩粒嘢，頸上更有兩個大硬塊：「今朝突然摸到頸部有兩粒嘢凸咗出嚟 一粒大一粒細，唔痕唔痛！頭皮接近頸部嘅位置也有兩個大硬塊都集中喺左面。請問睇醫生我應該睇咩科？」