鮮娛糧︱張繼聰被誤認張敬軒　高EQ回應「下次可能會除衫」

藝人被誤認是常有的事，最經典當年許志安被誤認杜德偉，更被批好寸唔睬人，近日張繼聰就被誤認為張敬軒，不過今次就沒有被狠批，反而大讚勁Nice。張繼聰在社交網發文，指行沙灘時老婆謝安琪聽到一群年青人大呼：「嘩，張敬軒吖」，並要求合照。見慣世面的張繼聰指自己習慣了，他搞笑表示：「諗住叫佢哋記得投我一票我最喜愛男歌手，好在佢哋話好鍾意睇飯戲攻心」，更標籤張敬軒續指，下次有人再誤認他，就不會講粗口，更可能會脫去上衣，原因竟是：「咁佢哋就會話張敬軒真人好斯文同埋好大隻。」

貼文一出引來當事人之一的張敬軒留言，幽默地指「我先至係張繼聰，我十年前就有兩個名叫做張繼軒同張敬聰，直至到有一次商場活動，女主持人叫我做蕭敬軒，我先至發現我真係好flexible。」連呂爵安（Edan）也有湊熱鬧：「軒仔做咩唔剃鬚。」雖然張繼聰與張敬軒的樣貌並不相似，但軒仔曾公開表示張繼聰是其表舅父，二人其實是有親戚關係。