星玄｜白羊男彭于晏槍戰連場　與古天樂難分敵友爆戲味

今日係4月7日農曆二月廿九，幸運星係白羊座，幸運指數排第一，事業發展可以更上一層樓。「白羊男」彭于晏（Eddie）早前被網民喺日本野生捕獲，仲話有女仔同佢坐埋同一部車，呢個消息即時登上熱搜。

而Eddie同古天樂、姜皓文繼《危城》後，闊別八年再次合作拍攝新戲《守闕者》，戲中Eddie飾演科技組刑警郭尚研，會接觸較多科學方面嘅戲份，同過去嘅演繹方式都唔一樣，可以話係有大突破，雖然佢被委派協助古天樂，當以為行動結束之際，Eddie卻發現案中有案，並成為被利用的棋子，不但陷入公義與真相之間，與亦正亦邪嘅古天樂更是難分敵友。Eddie近年不斷拍戲挑戰自己，演繹唔同角色，相信事業再上一層樓，絕對難唔到你。

至於今日最旺生肖係蛇，趁財運佳加把勁，付出同收穫成正比。「蛇女」陳瀅(Jeannie)去年底放完大假叉足電，即刻重新投入工作，上個月已經正式開工，拍攝新劇《執法者們》，日日要背20頁對白，仲密密出席各種活動搵真銀，Jeannie你依家努力啲，拍多啲劇集同電影，之後就會有大大嘅收穫。