恐怖經典前傳《第一凶兆》揭發魔童降世大陰謀

1976年上映的《凶兆》（The Omen）是恐怖片經典，掀起「魔童」熱潮，之後不斷添食，到2006年拍到第4集，就有一大段時間未有新作。相隔多年，系列憑《第一凶兆》（The First Omen）捲土重來，今集是首集前傳，由HBO劇《權力遊戲》（Game of Thrones）英國女星Nell Tiger Free主演。故事講述70年代時一名美國女子前往羅馬教會做修女，卻捲入一個魔童降世的大陰謀中，牽涉多宗離奇死亡事件。

Nell受訪時談到自己11歲時看過《凶兆》，印象深刻：「我11歲左右睇過第一集《凶兆》。我成日偷偷哋去睇恐怖片，我鄰居有晒所有恐怖片嘅DVD，我會去佢度，睇晒嗰啲其實唔啱我年齡睇嘅片，我諗影響咗我個演藝路途。不過我對《凶兆》有好大反應，有部份原因係因為我得11歲，但因為佢係有呢個力量。」