新疆旅行慶生　鍾晴策騎慶祝勁緊張

本月5日是藝人鍾晴的生日，她先跟朋友及家人提早食飯慶祝，之後即興到了新疆旅行，在當地過了一個難忘的生日，她表示：「原本呢段時間諗住修讀一個簡短嘅進修課程，但課程突然取消，所以有個空檔，於是就跟朋友去咗新疆滑雪，咁啱撞正我生日，我就策騎慶祝，今次係我第一次策騎，真係好緊張。」她大讚當地的雪山非常漂亮，由於日長夜短，晚上8時半才日落，故此有充足時間滑雪，玩得十分盡興。除了滑雪及策騎外，鍾晴到了烏魯木齊體驗當地人生活：「喺新疆嘅生活真係好簡單同好規律，當地人好熱情。」講到生日願望，她希望開開心心，工作方面有新突破及多拍劇。