黃美棋結婚　雲文子批蛇年有望添丁　

藝人黃美棋和主持人男友鍾健威（Ray）昨日（6日）假西貢五星級酒店舉行婚禮，出席到賀的圈中朋友甚多，其中包括和美棋相識達13年的「玄學天后」雲文子，她形容婚禮如影視頒獎禮一樣熱鬧，在場內可以跟林奕匡夫婦、「大小姐」林淑敏及一對新人等輪流合照留念又指婚禮令人動容：「成個婚禮，美棋係不停感動到喊。」

雲文子當年和美棋結緣於拍攝玄學節目：「嗰時個節目喺巴士上播嘅，美棋做主持，我做嘉賓，當年已覺得美棋非常啱做呢一行，因為佢口齒伶俐同埋記性超好，記嘢好快、好順，之後佢都有嚟搵我請教前程，雖然佢哋人生有高高低低嘅時候，但最終都拉埋天窗啦。」她又指新人是天生一對，皆因美棋肖蛇，而Ray則肖鼠正是「蛇鼠一窩」，兩人婚後會互旺，事業上好影響，尤其美棋有旺夫命，所以利做製作公司的老公，又說：「美棋多咗個人妻身份，再唔只係美棋BB，不過就冇損佢喺工作上嘅機會，反而會接到更多唔同範疇嘅工作。」問兩人是否很快再有喜訊？雲文子就覺得今年是龍年，未必是兩人生小朋友的最佳年份，覺得明年蛇年添丁最為理想。