內地流量男星代言大比拚　肖戰王一博雙王互撼

日前，有內地網友為流量男星代言數量做排名，其中更以一齊主演《陳情令》嘅肖戰、王一博，雙雙以24個代言奪冠，之後則係范冰冰細佬范丞丞以21個代言緊追其後。

內地頂流小生王一博、肖戰，6年前因合作拍攝電視劇《陳情令》人氣急升，2人亦因年紀相若、志趣相投，被劇迷封為「男版最強CP」。隨着劇集播畢並成功打開知名度嘅王一博，喺去年就有3部電影票房都超過8億人民幣（約8億8千萬港元）嘅佳績外，就連電視劇《追風者》嘅收視亦創佳績，簡直係收視保證；至於勁敵肖戰亦唔執輸，去年連續接演3部電視劇外，今年更有電影版《射雕英雄傳》待上映，有望藉此打入電影圈外，緊隨其後嘅第3名，則係范冰冰嘅細佬范丞丞以21個代言躋身3甲。