李易峰嫖娼遭封殺兩年　去完日本梳乎返內地唔敢露全相

內地男星李易峰2022年因多次嫖娼而被行政拘留，本身擁有多套代表作品堪稱「初代頂流」，如今因嫖娼行為而跌落神壇，喺幕前消失長達兩年嘅佢，被列為「劣迹藝人」，落得遭內地永久封殺的下場，不過似乎佢心情冇受影響，近日佢就疑似低調旅行後返內地，仲吸引到粉絲包圍跟拍。

李易峰上周五（5日）由日本旅遊結束返回北京，有唔少粉絲聽聞消息後，都特別去到機場接機，見李易峰低調着黑色衛衣加Cap帽、口罩，雖未正面露臉，不過佢望落心情勁靚，有求必應咁同粉絲狂吹水，粉絲要求佢對鏡頭打招呼，李易峰仲識得講笑話：「一會兒你們的號（帳號）被封了。」幽默一面明顯已經走出負面陰霾，不過就有網友認為佢出事兩年都仲咁嘻皮笑臉，質疑佢不知悔改。