早前傳中風︱劉松仁精神好　笑住講：唔知可以留低幾耐！

由藝人劉松仁擔任藝術總監、王梓軒及陳潔儀等主演的音樂劇《利瑪竇》將於4月20至28日假香港文化中心大劇院三度重演，今日（8日）記者會上，劉松仁透露今次演出規模比上一次更大，有多達二百位表演者，視覺和聽覺效果都有所提升，令他非常期待；而劇團在席上更向劉松仁送上特別製作的「利瑪竇精神獎」，答謝他對台前幕後的教導與無私奉獻。

早年曾傳出中風的劉松仁，今日所見精神甚好，而且談笑風生，笑指自己在劇團中只是做「打雜」，導演黄俊達大爆劉松仁每天都到場看排練，擔心對方不夠体息，更轉述劉松仁曾對他說：「因為我唔知可以留低幾耐，所以盡量留低，喺人生上面對有好多困難，用咩態度面對，只要你繼續去行，上天都會帶住我哋。」

而王梓軒表示《利瑪竇》10周年，亦是他認識劉松仁第10年，首次認識對方是拍攝劇集《華麗轉身》，他表示：「當年我演齡仲係好少，其中一場戲演唔到，阿姐（汪明荃）就叫咗松哥教我做戲，佢真係好唔計較，又肯幫人。」劉松仁即透露：「阿姐當時大叫「松仔，過嚟幫吓手。」