姜濤洛杉磯睇NBA撐湖人　Edan追星太貼被保安趕出場

組合MIRROR現於美國舉行巡迴演唱會，身在洛杉磯的一眾成員今日就把握機會，於當地欣賞NBA賽事，力撐主場隊湖人！其中人氣王姜濤孖住「大表哥」邱士縉（Stanley）及呂爵安（Edan）睇比賽，姜濤於社交網High爆晒相，指終於夢想成真：「終於來到小時候夢想的地方了，感恩一路上的緣分，感受到大家平時應援和叫我們名字喉嚨的痛。」見姜濤睇波時亦被不少外籍女士集郵，可見他於外國同樣人氣高企。

同行的Edan亦有在社交網發長文，指雖然最愛的球員勒邦占士（LeBron James）未有落場，但依然無損雅興：「佢（LeBron James）真係咁啱病咗...好！唔緊要！仲有Anthony Davis睇！」而有黑氣石之稱的Edan更自嘲連累湖人輸波，又自爆被保安攔截，導致在第三節禁止返位，即被「爵屎」笑指他終於明白平時fans的感受。