郭可盈舉家富貴出遊　歎下午茶獲VIP式招待

藝人郭可盈同老公林文龍結婚多年依然恩愛，成日都會帶埋囡囡一家三口周圍旅行，相當幸福美滿。近日佢哋去到上海同揚州遊玩，郭可盈連日嚟喺社交網分享咗唔少靚相，只見佢拎住名牌手袋於上海街頭品嘗當地小食，又去到名店歎下午茶兼影相打卡，據悉該名店嘅Cafe只對VIP開放，每杯咖啡嘅價格約為數十至百元不等，唔少人都特意到此打卡。之後一家人再去揚州著名景點瘦西湖遊玩，郭可盈坐喺湖邊被花海包圍，又同囡囡喺樹下攬到實一實合照，一家人玩得不亦樂乎。