羅天宇秘撻港姐女神陳懿德　齊睇七欖搵大班朋友掩人耳目

無綫男神羅天宇入行15年，曾跟他傳緋聞的個個是女神，湯洛雯、苟芸慧、蔣家旻、戴祖儀、陳瀅和何依婷等，全部都是宅男最愛，因而有「女神收割機」稱號，天宇成為不少男士的偶像。

天宇近日似乎沒有緋聞纏身，但原來靜靜起革命，有傳他暗撻另一位「港姐女神」陳懿德（德德）。2人雖然年紀相距10歲，但同樣熱愛打籃球，據知因朋友相約打波而邂逅。去年3月，德德由於打波弄致韌帶撕裂，天宇於是虛寒問暖，對她呵護備至，成功打動德德芳心。但為免戀情見光死，加上2人正值事業搏殺期，為保愛苗，他們愛得低調。不過2人也不經意洩「蜜」，日前孖住一大班圈中好友睇七欖，2月德德生日，天宇又到德德元朗豪宅打點一切，不過社交網所有合照都是一大班人，圖掩人耳目，之前又分別餵企鵝，只見背景一模一樣，兩口子愛的甜蜜！

對於撻着陳懿德，羅天宇回覆東網表示：「我哋係好好嘅朋友呀，成日會一大班出嚟玩嘅多謝大家關心！」而陳懿德則說：「我哋係好好嘅朋友嚟，多謝大家關心。」未有否認戀情。