歐陽娜娜音樂大學讀足6年　終於畢業風光拎獎學金

台灣女星歐陽娜娜一直力Sell大提琴家形象，未出道就已經以「天才大提琴家」身份出席不同演奏會表演，不過半工讀嘅佢，大學一讀就讀足6年，今年佢終於都可以風光拎獎學金畢業，打破先前傳出恐被退學嘅流言。

歐陽娜娜宣布由美國伯克利音樂學院畢業，齋計讀書在學時間，佢加埋共花咗3年，即係提前1年修完學分，將於5月3日舉行畢業音樂會。歐陽娜娜19歲時就喺伯克利校內成立「歐陽娜娜獎學金」，至今資助12名中國學生，此次畢業音樂會嘅門票收入亦將捐贈伯克利音樂學院獎學金基金會，持續支持擁有音樂夢想的年輕人。

歐陽娜娜13歲考上美國柯蒂斯音樂學院並獲得全額獎學金，後來因拍電影休學。2018年佢重返校園，進入「國際音樂家搖籃」美國伯克利音樂學院，不過2020年因疫情被迫中斷學業，舊年佢先返去讀書。