蔣祖曼身水身汗被求婚　爆黃智賢練出零汗神功

藝人蔣祖曼(Joman)與黃智賢(Ben)於無綫新劇《逆天奇案2》有場浪漫船上求婚戲，雖然氣氛看似浪漫，但實情拍攝過程相當辛苦，Joman受訪時透露：「當日天氣係超級無敵熱，雖然我着到唔係好厚，但我真係好大汗，拍到身水身汗，反而阿Ben好犀利，仲要着西裝三件套，但佢真係完全冇汗出，佢話拍古裝拍到已經習慣熱嗰種感覺，已經冇汗出，呢啲真係經驗嚟，我都好希望練到冇汗出！」

講到今輯與Ben再續前緣，Joman直言雙方已有默契：「上輯比較着重角色工作上面嘅嘢，今輯重點就喺感情上面，所以同Ben會多啲親密戲，佢不嬲都照顧拍檔，戲內戲外都會幫你諗埋，所以同佢拍嘢係好開心同放心。」另外，劇中打戲連場的Ben在社交網上載健身相，相中的他半裸上陣大晒爆肌身材，並留言：「練的是身體；磨的是鬥志！為新角色裝備自己！」結果貼文勁吸逾5千贊好，圈中好友楊茜堯、袁偉豪、陳煒等也紛紛留言大讚。