黃建東1人飾多角獲江嘉敏賞識　邀請着到咁去做Gym

藝人黃建東（東東）2011年由選港男入行，演員和主持雙線發展，近年他積極參加公司的綜藝節目，包括《識貨》、《全城一叮》和《全能司儀選拔大賽》等，堪稱「TVB比賽王」，最近就以「一人Avantgardey」參加綜藝節目《福祿壽訓練學院》，造型出位，爆笑舞步，令觀眾留下深刻印象，李思捷也讚他加入無綫多年，但無論做任何崗位都付出100%努力及達到100分，令東東十分感動，圈中好友如鄧伊婷就表示要封他做偶像，曬出合照，笑言：「今日見到偶像，偶像加油！」江嘉敏亦笑言：「你下次可唔可以着到咁一齊去做gym？」蔡潔亦大讚他「靚女」，可見東東人緣甚好。東東就表示：「好開心，好耐未試過社交網有5000幾個like，好多好溫暖嘅支持留言，好似打咗支強心針畀我繼續行落去。見到有啲網民覺得我好努力，仲叫公司畀多啲機會我，好多謝佢哋幫我開口聲援。」