李多慧台灣紅到番韓國　首度透露追求者人數

韓國啦啦隊女神李多慧，從「樂天女孩」過檔成為「小龍女」Captain Lee嘅佢，人氣仍然高踞不下，高企嘅人氣甚至爆紅番韓國，認真犀利！而日前受邀上韓國訪談節目嘅佢，更被主持人問道喺台灣有冇心儀對象，對此佢亦大方承認確實有一位欣賞嘅異性，不過竟然係萬千少女心目中嘅男神「許光漢」；另外，被問道喺台灣有冇畀人表白時，李多慧竟然答道1個都冇，令主持人大感震驚外，李多慧亦分享道自己試過留低電話喺台灣3日，估唔到拎番電話時，竟然剩係得父母有聯絡過佢，亦坦言因為2地工作太奔波，漸漸地連朋友都變少咗，正當主持私心自肥咁遞出自己電話之際，李多慧則回應道：「但沒關係，我喜歡一個人。」