TVB播麥玲玲節目預告驚現靈異片段　閃出紅衣女子勁詭異

尋晚於無綫J2播出嘅《玲玲有情報》預告中，驚現閃靈片段嚇塞觀眾外，更瞬間掀起熱議，有網友喺社交網透露播放預告時，畫面突然閃爍怪異，並播出一段靈異影片，只見片中先係出現一個公園鞦韆嘅黑白影片，之後又再閃出一名露出怪異笑容嘅紅唇、紅衣女子，加上披頭散髮睇唔到樣嘅關係，認真嚇到網友「瞓唔着」外，更有唔少網友質疑係TVB為梁思浩主持嘅靈異節目新宣傳手法。