前港姐王卓淇大爆TVB薪酬　自揭身價有呢個數...

前港姐亞軍王卓淇離巢TVB後，主力內地發展，近日獲好友何君誠邀請參演內地短劇的她，拍片分享拍攝經驗，更自爆昔日在TVB的片酬待遇！她提到TVB拍劇收入雖然不高，但仍比內地短劇高一截：「喺香港係唔高，但同內地短劇比又OK，因為呢度嘅成本係幾百蚊一集，幾百至幾千，好紅嘅演員都係幾千蚊一集，除非你係一線，先可能係一兩萬，但一般都係幾百蚊一集，而TVB都有一千至幾千一集，所以呢度仲低囉。」但她亦表示短劇製作較簡單，故拍攝上輕鬆得多，加上只需短短六日就拍完一套，故能夠「密食當三番」。