杨偲泳出战金像奖“女配”　获廖子妤让赛

艺人廖子妤（Fish）与杨偲泳（Renci）今年双双入围争金像奖最佳女配角，曾夺该奖的Fish扬言支持“自己友”Renci夺奖，而今年男友卢镇业、好友余香凝亦有份争奖，Fish却没有“紧张x3”，反而最紧张行红地毡时要够靓，不要仆低出丑人前！

《第42届香港电影金像奖》将于本月14日于尖沙咀文化中心举行，今年“最佳女配角”竞争激烈，电影《毒舌大状》的廖子妤及杨偲泳大战老戏骨金燕玲、梁雍婷及韦罗莎，Fish、Renci日前受访，对于强劲对手，她们均“不输阵”直言对自己有信心，Fish笑言：“一定要有信心，未必系自己赢，但人哋叻，唔代表我差，尽咗全力去做，当然希望有好成绩。个个都睇好，当然我会支持Renci，认识佢知佢平时性格柔和，睇佢拍戏时嘅长对白同坚定嘅眼神，真系做得好好。”Renci亦笑言会支持自己：“因为我唔支持自己就冇人会支持我，但我睇好梁雍婷，觉得佢做得好好。”

Fish曾凭电影《梅艳芳》夺得金像奖最佳女配角，当然被不少人睇高一线，但她大爆父母态度淡然：“佢睇我做宣读入围名单嘅记者会，觉得我几靓，就冇再睇。”Renci则指Fish宣布男友卢镇业入围最佳男主角时眼湿湿，她也被感动：“因为我哋认识，所以感动位好大，当然最感动系《毒》团队得到唔少提名，好圆满。”

事业搏杀 唔谂结婚

今年金像奖对Fish可谓别具意义，除了男友角逐影帝，好友余香凝亦有份角逐影后，问她紧张程度会否更多？她笑说：“唔会紧张埋佢哋个份，只会紧张自己状态好唔好，因为见到多人嘅场合会好晕，最紧要靓、淡定、唔失礼，同埋唔好Kick亲。（如果攞奖会唔会考虑拉埋天窗，双喜临门？）呢一、两年系事业搏杀期，唔会用时间搞婚礼，赚咗钱先。同埋，唔系个个都好似余香凝咁全能，照顾小朋友、维系老公、朋友嘅感情同埋拍戏，样样都兼顾到，真系时间管理大师。”

场地提供：apm