還記得櫻花正開　余德丞意外親歷美景

藝人余德丞日前與一班好朋友，出發前往日本東京旅行，途中竟遇上櫻花花期因天氣延遲，令他們有「意外收穫」﹕「本來真係冇諗到有櫻花睇嘅，點知最後因天氣，令我哋一行人遇到櫻花盛開嘅時候﹗我都係首次置身喺漫天櫻花當中，嗰種震撼感相機點都捕捉唔到，要親身經歷先會明白。」

余德丞更現身六本木，首次欣賞夜櫻之美。他又透露﹕「我仲去咗日皇王宮附近泛舟湖上，湖邊兩旁繼續都係櫻花爆開，嗰度租艇係有限額嘅，所以我要朝早9點左右去攞籌，係值得嘅。」最搞笑是他交由友人幫手影獨照，效果卻「鬆郁䝉」﹕「周杰倫同宋仲基早過我抵埗，都喺嗰個位影過相，但我嗰啲相同人哋差天共地囉﹗」

正所謂「讀萬卷書不如行萬里路」，余德丞表示今年想盡量抽空去旅行增廣見聞﹕「呢個願望我暫時都算做到，嚟緊又計劃再去旅行嘞，到時有經歷可以喺電台再同大家分享嘛。」